قصيدة (( إمسك حرامي )) للأديب والشاعر ((فوزي سليم ))

 امسك_حرامي

ألف وادور

واسرق منشورات غيري واكون( مشهور)

واكتب كمان قدام اسمي انا( الدكتور).

واقعد انافق واجامل( واشهد زور).

وامشي فى سكك ضالمة( ماليش) فى النور.

وكل الناس بقت وحشة( وانا الغندور).

واحط مكياج على وشي( وابان أمور).

وادخل افشكل اللمة( واطفي النور).

وكل ما أعمل( فركيشة) اكون مسرور

( واخرب) أي بيت معمور.

واقول على نفسي انا( الشاعر وانا الدكتور).

اصل بصراحه انا بنفسي كده( مغرور).

( وباتخنق) من كل ناجح كتب منشور.

( نفسي ضعيفة) بحب الشهرة واللي يصدقني يبقى طور.

وباقيت كمان( مشرف فى جروبات) وعايش الدور.

( بأسرق) واعلق للشعراءوانا مشهور

( وانا الدكتور )يارب الطابق يفضل مستور.

لكن من( عمايلي السودة اتقفشت) وفضيحتي ظهرت للنور.

وشالوا لقلبي واسمي اتغير بقى( مشرور).

ياريتني( ماسرقت ولاخربت )ولا قلت انا شاعر او دكتور

يارتني فضلت( مداري) خلف الصور.

وما عملتش فيها( ابو لمعة) ولا كذبت وقلت الزور.

( ياخيبتك يامشرور) حاتروح فين( ياغراب البين) وسط الصقور.

===============

هذا النص خصيصا لسارقي نصوص الأدباء والشعراء

وهم كثر الان ومن يقف أمامي سيأخذ مني نصيبه

الأديب والشاعر : فوزي سليم