علاش الدمر من يهواك
وعببة كأس الحب راويك
من عشقا مدلك وعطاك
وبصدق وماهو تفدليك
ولا يوم ابعد وخللاك
موجوعةاو شامت فيك
ولا غاب نهار ولانساك
كل مايملك لك عاطيك
غرامك في قلبي فتتاك
من سحر عيونك ناويك
مراجي نستنا فغطاك
تحميه من نارة ويحميك
حبك واعر قاوي داك
ايه تطلب،راني نرظيك
موجوع يا ريمي فشباك
وأنت الصيادة،يهديك
سرحني من ظر بلاك
وساعدني هاني،مراجيك
غيابك عني زاد عراك
بين عقلي وقلبي شاريك
أنت عمري راني حذاك
متغيبي لحظة امتطفيك
. ..... نوري أنت وضي معاك
من غيري ماحد يحميك
وراسك عندي وحتى غلاك
يساوو الدنيا وكل مافيك
.. ... .. عجبوني شفايفك ورواك
عطشانلهم ايمت نجيك
وتسقيني ونروى من ماك
عاونني يرحم ولديك
عبدو يجري كان فهناك
وبيميني مانسللم فيك
عمراني عبدالله
13
07
2022
ليست هناك تعليقات:
إرسال تعليق