6 أكتوبر
كنت صغير
لما الكون في بلدنا اتغير
شفت الفرحة
ودموع طارحه
بسمة عزه
جميله تحير
شفت الضؤ
جاي من فوق
شفت ف وسط العتمه شروق
شفت ابويا
وكان متغير
والكل بيهتف متحير
أصل المركب كان متدير
والانسان .......
وده اصله مسير
لقا نفسه واقف يتخير
كل العزه دي باينه ف ناحيه
ولأوهام الذل يطير
أصل بجد الكون متغير
وهعرفكم
كان فيه إيه
وليه الكل الفرح ماليه
وليه ع الأرض الكل بيسجد
بيبوس توبها ويملى ايديه
ودموع فرحه بتملى عنيه
صوره جميله وكات عجباني
فرحه ودهشه تنز معاني
أصل النصر ده كله
عشاني
ولقيت صرخة بر بتعلى
والقلب بيرقص ف سماه
والكل بيهتف وياه
وبنسمع بقا كلمة ياه
يااااااااااااااااااااااااااااااااااه
الله أكبر
بسم الله بسم الله
سينا يا سينا بسم الله
وخلاص عدينا بسم الله
أجمل أغانينا بسم الله
الله اكبر فوق كيد المعتدي
الله للمظلوم خير مؤيدي
الله اكبر يا بلادي ومعبدي
الله اكبر الله أكبر
يا بلادي
ياللي نصرك ع الاعادي
حقق الحلم الكبير
ياللي طول القهر فيكي
واجه الظلم المرير
علا حلمك
جوه في حيطان المراره
قوى املك
وهو في سجون الخساره
نوى والنيه خير
ان سته تكون بدايه
وبشهوره العشره يبصم
انه يزرع فيكي ايه
وف عز أيامنا المباركه
تبتدي سكة هدايه
أنه يهدم ذل شعبك
ان للطغيان نهايه
ان يهدم الف سور
أنه هيحطم جسور
إن بارليف المنيع
هينكسر ويا الغرور
إن الفراعنه مهما عانوا
دول فراعنه
هيكسروا شوكة اللي خانوا
ويرجعوا بالنصر معنى
معنى هيخلي اللي هانو
يبدلوا بالنور وجعنا
يرفعوا علم الكرامه
وهنملى بالتكبير سمعنا
الله اكبر يابلدنا
فوق كيد المعندي
الله للمظلوم خير مؤيدي
ليست هناك تعليقات:
إرسال تعليق