من يوميات بطيخه
بطيخ وصابه البلا
وبتفضحه السكين
فيه منه أحمر أوي
والطعم زي الطين
أو قرعه لون بذرها
أبيض لكنه حزين
او خايخه ومشرخه
متهرمنه ببتادين
وتلاقي التخينه قوي
والجلد فوقها تخين
والحلوه متبغدده
مركونه للغاليين
متصانه زي القمر
له برضه وقت وحين
ودايما تلاقي الغلا
بيزين الحلوين
والحظ زي القضا
تلاقيه في طرفة عين
وأنت وحظك بقا
لو كنت م الشاطرين
افرز
ودور وحور
وشوف نصيبك فين
بطيخ وصابه العطب
وبيشبه النساوين
وتلاقي فيه العجب
والقشرة خداعه
وفيه الرخيصة قوي
وقالبه بمياعه
وفيه الجميلة بهدوء
ورقه ووداعه
وفيه اللي خيبة الرجا
جايبلها شماعه
وفيها اللي وسط النسا
عايزالها ولاعه
وفيه اللي وسط السوق
بالرخص متباعه
وفيه الأصيلة قوي
بس دي نادرة
وفيه البجحه والتنحه
والقادره
ما هو أصل سوق النسا
اتقلب بطيخ
بطيخ وكله قرف
يستاهل التوبيخ
يا بلدنا متهرمنه
في الصحة والنسوان
واللي يعيش بالأمل
في فاكهتك ندمان
واللي يعيش بالأمل
في فاكهتك يتهان
ليست هناك تعليقات:
إرسال تعليق