أمى ليه ماشيه بتبكى
والصراخ مالى الشوارع
أختى ماتت فى الحريقه
وصدرى من ساعتها
يا إبنى والع
بس أنا ماليش خالات
وانتى من انته يا أمى
كان لكى إخوات بنات
بنت وطنى هى أختى
أم مينا وام حنا
اللى هما يا إبنى منا
ونبى إفهم بسرعه
ومتزودش المواجع
سترك يارب
الكنيسة فيها أخ وفيها أب
فيها أطفال أبرياء
قلبهم معرفش يكره
مبعرفش إلا حب
لا يا أمى أروح بسرعه
أنقذ واشارك
ايدينا لازم تبقى واحدة
فى الشدايد
زى ما كانت واحدة
وسط المعارك
استنى يا أحمد
خدنى معاك
أدعى واصلي
للضحية والمصاب
وأكون هناك
يارب صبر القلوب
وارحم يارب برحمتك
واشفى يارب
كل مصاب
خالص التعازي والمواساة إلى ضحايا حادث الكنيسة شركاء الوطن رحمهم الله ولأسرهم الصبر والسلوان اللهم امين يارب العالمين
ياسر حماده
ليست هناك تعليقات:
إرسال تعليق