قلة ثقة
***
اعذريني
رغم حب القلب الأخضر
رغم إحساسه بحنانه
اللي جوه العقل زهر
رغم إن الروح ملاها
ولشوائب نفسي طهر
رغم إنه عنيف وطاغي
وإنه من إحساسك أكبر
برضه رافض لون قيودك
دا القيود بالغيره أخطر
أعذريني
لما يبقا الشك غيره
لما غيرتك تبقا أكتر
لما همساتنا الكتيره
عمر حبك فيها أقصر
والسحاب من غيرتك إنت
بالجفا على طول ممطر
الكيان وبرغم شوقه
للفراق لازم يسطر
أعذريني
وأعذري قلبي اللي راجع
لجل يهرب م المواجع
نفسه يهرب من صفوفك
بيجافيكي
وهو اللي عايزني أشوفك
جاي يقولك
أنفضي شكك وخوفك
واكتبي لو مره واحده
بالحنان اغلب حروفك
واقتلى جواكي غيره
دايما بترفعها
سيوفك
واستقبلي ثقتك وخلي
حسن نواياي
ضيوفك
خالد موسى
ليست هناك تعليقات:
إرسال تعليق