القصيدة الغنائية(اعلنت التحدي)
للشاعر /محمود الحما
بعنادك انت وكبرياء
قبل اللقا كان الفراق
كان العذاب ويا الالم
علمتني معنى الندم
على كل كلمة اشتياق
اعند راح اعند
والعناد هيجيب عناد
انا مش باهدد
دا التحدي في قلبي زاد
ماانا اعلنت التحدي
ما بين قلبك وقلبي
ما انت اخترت العناد
فرص كتير يامه خدتها
ورفضت تتعلم
وجراح كتير انا عشتها
جه دورك اتألم
على جرحي هتحاسب
لاهالوم ولا اتعاتب
ودا اقل م الواجب
وأقل شيء عندي
ما انا اعلنت التحدي
مابين قلبك وقلبي
وانت اخترت العناد
زمن الجواري انتهى
دلوقتي حه دورك
يا شهريار فوق بقا
وانسى كده غرورك
لو العناد قادر
لو لسه بتكابر
هتجيني في الأخر
وعنيك تقول ارضي
وانا اعلنت التحدي
مابين قلبك وقلبي
ما انت اخترت العناد
ليست هناك تعليقات:
إرسال تعليق