الشاعر محمد جوده
******مونولوج فوزية*******
والله تعبت يافوزية
بعد ماكان عزمي
حديد وفولاز
ماهو أصل انا ناقص تربية
كان إيه خلاني أقول ياجواز
راحت أيام العزوبية
و بقيت محروم م الحرية
شيِّبتيني ف عز شبابي
من كتر نقارك ياولية
اعملي معروف فيا سيبيني
وفارقيني يابنت النكدية
من يوم
مادخلتي انتي حياتي
نط الحظ من الشباك
والنحس مونسني ليلاتي
بيقولي انا صاحبك ومعاك
الناس في بيوتها اهي مرتاحة
وانا هنا متجوز سفاحة
جامدة وصحتها مساعداها
زي بتوع داعش صراحة
وانا لما اتجنِّيت وخطبتك
كانت أُمي اكيد داعية عليا
بحمد ربنا صبح وليل
إنك ملكيش نسخة بديلة
جيَّه ولبسالي كوم هلاهيل
ومفكرة ان انتي جميلة
بجوازي منك بختي يميل
اتنيلي و بستين نيلة
معاكي الساعة في نص الليل
بمقام عمر سنينه طويلة.
ومفكره نفسك عسلية
موهومه يابنت الفقرية
ـــــــــــــــــــــــــــــ
يابت ياناعمة . ياغرايبة
دانا كنت فاكرك طيبة
طلعتي لئيمة ومكارة
دلوقتي بشوفك بتعصب
واقعد سنة بطني مكركبة
***
ماتشدي رحالك ياولية
واغضبي عند امك سنتين
خليني اشوف نفسي شوية
انا عارف بس جتيلي منين
ولعلمك في المرة الجاية
خليكي فاكرة يافوزية
هتجوزوابعتلك دعوة
تيجي تباركيلي في الصباحية
ـــــــــــــــــــــــــــــــــــــــــ
منولوج فوزية....
للشاعر محمد جوده
من ديوان يمر الليل
مليون شكر سيدي الفاضل وشاعرنا الراقي وشكرا جزيلا علي مجهود حضرتك
ردحذف