هلفطه
يعنى بروح امك غاوى شحططه؟
ناصح وفالح قوى فى الشعبطه؟
الناس تحب البشر ،
وانت حبيت القمر!
يعنى هو انت كنت ناقص لخبطه؟
من يومك عامل كاابوالقردان,
ابيض ... وغاوى الفطفطه.
تحب اللى ماشى دغرى,
وتكره اللتّ والهلفطه.
واديك بعد ما فاتت سنين,
وقعت فى الحب والحفلطه.
كنت ليه بتبص فى العالى قوى؟
وتسيب مشاعرك تعود متشلفطه؟
اديك تايه مابين السما والارض,
لا قادر تعيش جنب القمر،
اللى روحك في نوره متشعبطه،
ولا قادر تقفل بيبان القلب،
اللى تعب م الضرب والمرمطه.
ليست هناك تعليقات:
إرسال تعليق