أنا والشيطان كنا متخاصمين
اصله قارفني بقاله سنين
كان نفسي يعرف حجمه على ايدي
وإنه خلاص مبقاش أمين
وان لنصايحه بقينا مش عايزين
اصلى وشوشو كنا مختلفين
هو بيشغل ذكائه بس خلاص على مين
دا احنا في عصر البشر طفشوا الشياطين
وماعدش نافع يا شوشو لفك مع الدوران
وناسي انك بتتعامل مع الانسان
في عصر فيه الشيطنه الوان
والدقن كيلو والشنب بميزان
واسم الشيطان اتلغى وبقينا كلنا اخوان
والحق ضاع الحق هان
صلي وسلم بقى ع النبي العدنان
2
أنا كنت بحب البطيخ
والعشق مفهش كلام
وحبيبتي دي شبه البطيخة
والبطيخ أحجام
ودي نسبه معاها تناسب
والتخن مفهش كلام
وزي ما قلت أنا سابق
البطيخ أحجام
فيه منه صغير ومحندق
والطعم جميل يا سلام
وفيه اللي لو تتوزن
هيفرطوها أكوام
وفيه اللي فاق حجمها
مؤسسة أيتام
وفيه اللي لو ترتمى
هيعم بينا سلام
وحبيبتي زاد حجمها
واتخطت الأحجام
بطيخه
بطيخه ومكوره
ومنفخه تنفيخ
بتعاني م الدحرجه
وكترت التلبيخ
اصل الطوفان ابتدى
وأهي عدت الميه
وكل مازاد حجمها
تتطلب ف حنيه
تقوم انت وتقولها
ياغزاله وف حسنها
وهي معديه
ولازم تكون زيها
فطران مداغيه
وتعيش معاها الحياه
والرقبة محنية
خايف تجوع ف مره
وتبقى جتتك ديه
هي الوليمة الاليمه
وف بحر حنية
ليست هناك تعليقات:
إرسال تعليق