شوية جنان
سافرت لمدينة
في قلب المحافظة
وكانت حزينه وبرضوا
محافظة
و راكب حمارة
معايا علفها
و حطه في قفه
و أكلي و شربي
قصادها في قفه
في زحمة و ماشي
لا بدفع في أجره
و فارد في ستره
بكلم حمارتي
و أعدي براحتي
و ممكن كمان
في لحظة أغفل
و جايز أنام
لحمتك لحقتك
و لسه يا دوبك
و جايب في سيرتك
حبيبتي اللي عاشقك
ما تيجي يا سيتي
نسوي اللي بينا
و ننهي الخلاف
دليل المحبة
هجيبلك و ناكل
في حبك فيشار
و ممكن و عادي
تنطي ورايا
و نفضل نحكي
و نضحك و نبكي
صرختي و قولتي
ياحظي الهباب
صبرتي و نولتي
خطيبي و حظي
عبيط بالوراثة
و راكب حمار
عملت في نفسي
كأني ماجيتشي
و لا شفت فيها
شبيه التتار
و ضاقت حروفي
و لعنت ظروفي
و حظي اللي سار
خنقني ضميري
فسبت اللجام
كتبت القصيدة
و بعدك ديوان
تعبت و فجأة
جالي صداع
ربطت الحمارة
و قولت اجبلي
شويه بتاع
لاقيت الحرامي
سرقها و سابني
بعاني الضياع
خدوني بسرعة
لطمت بحرقة
و جالي انهيار
و بعد ساعات
أخدني ضميري
لواحد أخذني
و قال إيه عزمني
لمطعم تحسه
بيطبخ حميري
و لحم الكلاب
ووقلبي وكلني
وعاوز يقولي
ده هوه الحرامي
سألته و صوتي
خدني و سابني
دا لحم حُمارتي
بربك جاوبني
فقلي حمارتك
سواها بياخد شوية
ساعات
وكل اللي شوفته
دا لحم الكلاب
بقلمي /وحيد علي الجمال
سرس الليان محافظة المنوفية
جمهورية مصر العربية
ليست هناك تعليقات:
إرسال تعليق