أم الشهيد
فينك يا ولدي فين
فينك يا ضي العين
يا حته من قلبي
مين تاني هستناه
يجيب الحياه وياه
ولدمعتي يخبي
دا القلب بات مكسور
مش لاقي طاقة نور
وبحسره متعبي
شاف الشرف معصور
والظلم بات منصور
وضلمته ف دربي
دقوا خلاص بابي
وبفرحه فتحتلهم
سألت ع اللي جرى
ويا ريتني ما قلتلهم
قالولي ابنك مات
والحسرة دلايلهم
أنا قلت ابني شهيد
والأرض دي تشهد
وبحبه هتغني
أنا قلت ابني ولد
كان نادره لما تولد
انه يحوش عني
أنا ابني حي المدد
وزيه زاد العدد
وغيره مستني
أنا قلت مين اللي مات
دا الموتي أهم عايشين
ميت بيرفع علم
والحي جوه الطين
والقدس دي مش بلد
دي قبلة العاشقين
وكل اللي حبك سجد
هحميكي يا فلسطين
يا قبله لكل العرب
وكل اللي عنده دين
بيحاربوا فيكي الجرب
وبرضه مش ساكتين
بيحييوا نور الحقايق
للي مش شايفين
بيعطروكي بدم
والخونة مش حاسين
خالد موسى
ليست هناك تعليقات:
إرسال تعليق