مين يخلص مصر مين
أو بينهي المسخره
مين يرد ليها اعتبارها
مصر كانت جوهره
بعدما كانت بتضحك
بقت ليه متمرمره
ناسها باتوا شقيانيين
والنفوس متكدره
هم باين ع الوشوش
معدومين للمقدره
جوع بينهش في البطون
والأمور متعسره
واللي يحكم فيها عسكر
واللي غاويين فشخره
رخصوها وضيعوها
وجابوا أحوالها لوره
الله يرحم لما كانت
كل شيء متصدره
مصر كانت أولى دايما
على مر الذاكره
لما كانت مصر دوله
مش تكيه لعسكره
مصر كانت غنوه حلوه
زي بنت امغندره
مصر طول عمرها حره
تبقى ليه متعسكره
مين بينسى الاهرامات
أو بينسى القاهره
يرضي مين تبقى فعذاب
أو تعيش متحيره
مصر حلوه بدون عساكر
زي شمعه منوره
حكم عسكر جاب آخرها
وأصبحت مستعمره
دول عصابه ف لبس جيش
دول شوية كفره
يوم ماجوم وشرفوها
والاحوال متأخره
دول شوية كدابين
اهل شو ومنظره
مصر كانت كل شيء
شجرة خير مثمره
والعساكر بهدلوها
وفلحانيين في النأوره
مصر لازم ثاني ترجع
مش حكايه وعابره
مصر مش ممكن تموت
مصر حاله ونادره
لا أكيد وأكيد حترجع
ولو حين ميسره
رائد جبار الذهبي
ليست هناك تعليقات:
إرسال تعليق