.. مع السلامه وما ترجعوش ..
انا مش هقول ولا حتى
هحكى
احسن يقولوا ان انا
بشكى
هقطع سلامى قبل كلامى
وأمسك لسانى
كنتم حبايبى وعايشين معايا
ليلى ونهارى
ما تعملوش خايفين عليا
ما تعملوش
اصلى انا فاهم السكه ديا
وقارى الوشوش
عاملين غلابه وحنينين وقلوبكوا
فيها قسوه سنين
بقيت اشوفكوا ما اعرفش انتوا
يا خلق مين
خيالكوا واسع فاكرين يا عينى
هعيش حزين
ما تمشوا يلا مع السلامه
وما ترجعوش
مع السلامه مش عايز اشوف
تانى الوشوش
ومفيش محبه مفيش موده
مفيش حنان
عنوان حكايتى معاكوا اسمه
ماضى وكان
قلبى خلاص داس وعدى
من زمان
رجع خلاص وعايش معايا
فـ امــــان
بقلم / عماد موسى
ليست هناك تعليقات:
إرسال تعليق