قصيدة ((أنا وأنتى )) للشاعر (( صبري عبد الله )) منتدى آسلي هان الأدبي

 أنا وإنتي ..

في حكاية قديمة منسية ..

عشت العمر أخبيها ..

وعينيا ..غلبت أداريها ..

لا صورتك يوم تبان فيها ..

والناس ساعتها يشوفوكي ..

قاعدة وقلبي فإيديكي ..

و إزاي يصحى الأمل فيا ..

بضحكة ونظرة في عينيكي ..

قولت أفتح قلبي بإيديا ..

وأشوف يمكن ساعتها أقدر ..

وتتغير ..

قصتنا في يوم نهايتها ..

لقيتِك قاعدة جوايا ..

مع كل حكاية ويايا ..

وقدامك ..

طريقنا اللي زمان مشيناه ..

وكلامنا اللي كتير قولناه ..

وحلم كبير أوي حلمناه ..

و واقفة الدنيا قدامي ..

وعلشانك ..

و علشاني..

بتضحك نفس ضحكتها ..

لا نسيتني ولا نسيتها ..

ولقيتني وقفت متحير ..

دي نهاية قصتي معاكي ..

وللادي هتبقى بدايتها..

ووياكي ..

هتعيد الدنيا حكايتها ..

وأسماء بس تتغير..

وإزاي العمر يتدير ..

وساعاتنا تعود عقاربها ..

وآخرتها ..رجعت سِكِت وسِكِتِّي ..

إنتي وأنا ..وأنا وإنتي ..

#بقلمى_صبرى_عبدالله