أقولك؟؟
لأ انا خايف
قولي لي ما خافش
وانا اقولك
عن اول مرة تتقابل عيونا ببعض
في لحظة لقيت انا القمرة
بتتمايل هنا ع الارض
بترسم في الوجود فرحة،
تخبي خدودك الطرحة،
لا تخطف عيني انا ف لمحة،
جناين الورد..
يتوه القلب من نظرة مايتحملش
اقول لك؟؟
لأ انا خايف
قولي لي ما خافش
واقولك حلمي بيكي كبير
وباحلم حلمي يتحقق
بأن انا قلبي ضيه اسير
وقلبك ضيه بيشقش
يحرر قلبي يبقى أمير،
على حصان الغرام ويطير
يلاقي نفسه تاني اسير
بيشرب حب وبيعشق
واقوم احلم وانام احلم
بحلم كبير مايتحققش
اقولك؟؟؟
لا انا خايف،
قولي لي ما اخافش
هاقولك ليه انا خايف..
خايف قلبي يكون واهم
في اول حب بيصادف،
تهجى حروفه مش فاهم
لانه بقلبه طفل برئ،
صبح فجأة ف هواكي جرئ
يرفرف حب لو كصديق،
ومش نادم
يكون ودك يكون صدك،
يكون ردك مانتفرقش،،
عرفتي ليه انا خايف؟
مهما قولت لي ما تخافش
ليست هناك تعليقات:
إرسال تعليق