أُومال دا اسمه عندك إيه
أومال دا عندك اسمه
ايه
إن أدور جوه عينك
عن شعورك
لو شعورك اختلف
ان افهم ضحكتك
لو رنين الصوت
في قلبك
صابه في الإحساس تلف
أو إنه بالحزن إئتلف
***
او مجافي الالتئام
او دفوف النبض فيه
بتفقد النبض بسلام
كل ده كان يبقا ايه
مش برضه اسمه يا
حبيبتي
إهتمام
***
اني أصحي
لو ضميرك لحظه نام
او لسانك
لما يبقا
بس بيردد كلام
لما الاقي في نظرتك
ليه اتهام
أو الاقي ان فيها
قل تدريجي الوئام
كل ده كان يبقا ايه
مش برضه اسمه يا
حبيبتي
اهتمام
لما اخاف منك عليك
لما اشيل الوهم
اللي بيضلم عنيكي
والسراب اللي في الحلم
مناديكي
والضباب اللي بيحاوط
عليك
اللي عايز يشتريكي
وينتهك الطهر فيكي
****
لما ارجعلك كيانك
لو إن سؤ الظن خانك
لما يبقا فيه غيامه
بتغيم الحرف في لسانك
لما تفضح نظرتك
قلة الصدق في كلامك
***
لما بيزيد التجني
وتقابلني نار ملامك
لما يكتر التحجج
اللي مطلي بإتهامك
لما عن نفسك تدافع
يبقى فيه في السكة
دافع
لما يكتر ف الكلام
إن أنت محتاج اهتمام
لما شكي جوه صدري
منك يزيد
لما ألاقي الدم فاسد
جوه في أعماق الوريد
لما نارك تنطفي
ونار شكوكي ولوعتي
منك تقيد
***
لما احارب لجل أعرف
أيه اللي بيخبي الوعيد
لما اراجع جوه نفسي
كل همسه وأقعد أعيد
نبض صوتك ف الكلام
والسلام مبقاش سلام
إسمه إيه ده يا حبيبتي
مش برضه اسمه اهتمام
***
ولما بيقل الكلام
واللوع منك يصر
وتفردي وهمك أماني
ويبقا كاس الشك مر
مراره بتهد الكيان
وبتلزمه ما يكونش حر
***
لما مرك يبقا علقم
بتشتكي منه المعاني
لما أعاني
وألاقي اللسان انزوي
بمرارة وجعاني
وأسأل فؤاد إتوجع
ع اللي بايعاني
ليه الكيان يشتري
نكران اللي دبحاني
وبإيه يفيد الندم
لو صرت أنا الجاني
بهزم عشانها الضنا
وهيه اللي هزماني
وأعيش في نهر العطا
وف وسطه حرماني
مجروح وكنت الغطا
والحب عراني
***
ويرجع ويرمي ف تهم
وهو اللي كان متلام
وأرجع أنا بالآسى
وأصرخ بنفس الكلام
هو ده كان اسمه ايه
كان جزاء الاهتمام
ليست هناك تعليقات:
إرسال تعليق