عيد الهالوين
ياإللى أسلامنا ليكم دين
ليه متحتفلوا بالهالوين
مش فى أوربا ولا باريس
واللا يهود سكنوا فلسطين
وهى تنادى أهل الحرمين
أرض وطأها رسول الله
بقيت معبد للشياطين
صوت الحق ليه مسجون
وليه الظلم سحاب فى الكون
حجب الشمس عنا سنين
فميته الشمس تشوفها عيون
شايفه يامكه شعبك كيف
خلوا المعصية فن وكيف
كان الحرب زمان بالسيف
دلوقتي الحرب حرب عقول
فين الأمر بالمعروف
واللا بقينا مش بنشوف
فين مشايخنا ومجد تاريخنا
ولا الدين شمسه فى كسوف
لو رسول الله يسألنا بيه هنجيب
نقول المعصية سكنت منزلنا بشكل عجيب
وفى أرض الحرمين شوفنا الأعاجيب
شوفنا رجال شبه الشياطين
بيحتفلوا بعيد الهالوين
ميقولوا الكعبه فى تل أبيب
مش هتعودى يافلسطين طول مابنقلد الأعداء
وطول ما الداء للأمه رداء
لكن الظلم مهما يطول بكره يموت
وأهل الحق هم احياء
جلال الدين أبو الليل
ليست هناك تعليقات:
إرسال تعليق